Programi i veprimtarisë

“Dita e Dyerve të Hapura në MADC”,

organizuar në kuadrin e Javës së të Mësuarit të Vazhduar 2005

I.  Prezantimi i Javës së të Mësuarit të Vazhduar.:

                                                                                                Nga Edlira  Kullolli

Projektori: Pamje të përgjithëshme nga veprimtaritë e MADC në vite.

Sot, Qendra jonë e Aftësimit Profesional ka hapur dyert esaj me rastin e Javë së të Mësuarit të Vazhduar.

Tashmë të gjithë janë njohur me veprimtarinë “Java e të Mësuarit të Vazhduar”, sepse ështe viti i pestë rradhasi që ajo zhvillohet në Shqipëri, duke filluar që nga viti 2001, me iniciativën e Fondacionit PARSH (Projekti I Arsimit të të Rriturve në Shqipëri).

Sfidat e shekullit të ri kërkojnë nga njerëzit aftësi të nivelit të lartë, të cilat arrihen vetëm duke mësuar vazhdimisht. Nxënësve, studentëve, punëtorëve, specialistëve u kërkohet që të zhvillojnë vazhdimisht aftësitë, të pasurojnë njohuritë dhe të rrisin kualifikimin e tyre për të plotësuar më mire nevojat e tyre dhe të shoqërisë.

            Qendra jonë MADC ka qenë vzhdimisht pjesëmarrëse në këtë veprimtari. Me këtë rast ajo ka hapur dyert e saj për t’u bërë sa më e njohur në komunitetin përreth, si dhe për të qenë e hapur për gjetjen e rrugëve të reja për t’u bërë gjithnjë e më e dobishme për të rinjtë e të rejat dhe, në përgjithësi, për të gjithë ata që janë të interesuar të gjejnë mundësi për rritjen e dijeve dhe ngritjen profesionale.

Duke ndjerë detyrimin për gjallërimin e veprimtarive edukuese dhe kulturore në komunitetin përreth Qendrës sonë, mendojmë se pjesëmarrja në Javën e të Mësuarit gjatë gjithë Jetës 2005 është një mundësi e mirë për të dhënë kontributin tonë që të sensibilizojmë komunitetin mbi veprimtaritë e kësaj Jave, duke promovuar vlerat dhe rolin e të mësuarit të vazhduar, si dhe krijimin e atmosferës së nevojëshme në territorin rreth Qendrës sonë.

Në të njejtën kohë, ne tërheqim vemendjen e komunitetit perrth për mundësitë që ofron Qendra jonë për të mësuar dhe për t’u trajnuar në fusha të ndryshme. Dita e Dyerve të Hapura,që kemi organizuar është një mundësi e mirë për t’ia arritur këtij qëllimi.

Ne vijmë sot në këtë veprimtari me disa programe konkrete që janë tërësisht në frymën e kësaj veprimtarie. Drejtori I Qendrës do t’ju njohë shkurtimisht me përmbajtjen e këtyre programeve.

&

II.  Shpërndarja e Certifikatave për pjesëmarrësit në Konkursin

      “Daktilografimi në Kompjuter”, organizuar nga MADC.

Sot po japim rezultatet e Konkursit “Daktilografimi në Kompjuter’ për vitin 2005.

Ky konkurs u organizua nga Qendra jonë, në kuadrin e programeve  në ndihmë të komunitetit, për vitin 2005.

Për katër muaj rresht, pjesëmarrësit në këtë konkurs u trajnuan dhe patën të gjithë asistencën e nevojëshme për të përvetësuar daktilografimin në kompjuter dhe për të konkuruar për disa çmime.

Ajo që duam të vemë në dukje është fakti që Qendra jonë, për të gjithë ata që shfaqën dëshirën për të mësuar daktilografimin në kompjuter, vuri në dispozicion mjetet e saj kompjuterike, një program trajnimi ndër më të mirët e kohës si dhe një asistencë e nxitje të vazhdueshme,  – të gjitha këto pa asnjë pagesë, - por vetëm duke u bazuar tek dëshira dhe vullneti i gjithsecilit për të mësuar.

Prandaj përmbyllja e këtij konkursi pikërisht në JMV 2005 është kuptimplotë dhe demonstron faktin që këtë eveniment në jetën shoqërore të vendit tonë ne e përjetojmë të shoqëruar me veprimtari konkrete dhe e presim me rezultate konkrete.

Qendra jonë ka një traditë në organizimin e konkurseve me tema nga më të ndryshmet. Janë bërë konkurse për fizikën, për kiminë, për matematikën, janë zhvilluar seminare me tema të mprehta shoqërore.

Por është hera e parë që ne zhvillojmë një konkurs mbi daktilografinë në kompjuter, një konkurs që u dha mundësinë pjesëmarrësve të trajnohen në mënyrë intensive dhe të konkurojnë midis tyre për tre vendet e para.

Në Konkurs moren pjesë 42 pjesëmarrës.

Konkursi u zhvillua në 3 faza. Një Komision Monitorues i ndoqi këto faza dhe bëri vlerësimet përkatëse..

Në fazën e parë u evidentuan 20 më të mirët.

Në fazën e dytë u evidentuan 10 më të mirët.

Në fazën e tretë, u zhvillua gara për daktilografimin e një teksti të marrë

nga shtypi i asaj dite dhe mbi bazën e vlerësimeve që bën vetë programi,

Komisioni Monitorues shpalli fitues:

1. Vendi i parë, AUREL REXHAJ, merr Certifikatën e Vendit të parë dhe

    njëkohësisht fiton të drejtën:

-   Të djekë pa pagesë të kurseve të kompjuterit në MADC, që plotësojnë kërkesat e Certifikatës Europiane të programit Xpert (Windows, Word dhe Internet)

-   Ose, ndjekja pa pagesë për 6 muaj e çdo kursi të gjuhës së huaj në MADC.

2. Vendi i dytë, ENEA FEZAJ, merr Certifikatën e Vendit të parë dhe

    njëkohësisht fiton të drejtën:

-   Të ndjekë pa pagesë një kurs kompjuteri në MADC,

-   Ose, ndjekja pa pagesë për 3 muaj të çdo kursi të gjuhës së huaj në MADC.

3. Vendi i tretë, ALBANA META, merr Certifikatën e Vendit të Tretë dhe

    njëkohësisht fiton të drejtën:

- Të ndjekë pa pagesë për 1 muaj çdo kurs të gjuhës së huaj në MADC.

 Shtatë pjesëmarrësit e tjerë të garës finale marrin automatikisht  Certifikatën e trajnimit në kursijn e “Daktilografiit në Kompjuter”., që plotësojnë kërkesat e Programit “Typing Master Pro”:

1. Ornela Shimshiri

2. Ardit Dankshi

3. Lavdi Banushi

4. Erold Koçi

5. Arens Ibrahimi

6. Anisa Muça

7. Zemrita Ndreu

Të gjithë pjesëmarrësit e tjerë u ftuan të merrnin pjesë në një testim përfundimtar, duke nxitur trajnimin e tyre të mëtejshëm. Të gjithë ata që rezultuan në një nivel të qënaqshëm nga ky testim, pajisen edhe këta me Certifikatën e trajnimit në kursijn e “Daktilografiit në Kompjuter”., që plotësojnë kërkesat e Programit “Typing Master Pro”:

1. Evisa Xhafi

2. Fjona Ismaili

3. Atnnd Lata

4. Enea gozhdari

5. David Idërshai

Kjo ishte e gjitha për këtë konkurs. Ne i urojmë pjesëmarrësve suksese të mëtejshme në aftësimin e tyre, jo vetëm në kompjuter, dhe urojmë gjithashtu që kjo të shërbejë si një nxitje dhe një bazë e mirë për aftësimin e tyre të mëtejshëm në fushat e shumta të dijes që ata kanë zgjedhur ose do të zgjedhin.

Nga ana jonë, ne do ta vazhdojmë këtë lloj kontributi, duke organizuar konkurse të tjera, do të orgamizojmë konkurse të këtij niveli, me qëllim krijimin e kushteve për një trajnim masiv, por edhe konkurse më profesionale. Pas disa konkurseve, ne do të arrijmë t’i ballafaqojmë pjesëmarrësit dhe fituesit e konkurseve të ndryshme në një garë finale, që do të jetë kontribut tjetër i Qendrës sonë për nxitjen e të mësuarit të vazhduar.

Edhe njëherë ju urojmë suksese të mëtejshme pjesëmarrësve të konkursit !

&

III.Njohja me kurset që do të zhvillojë MADC gjatë periudhës verore.

Veprimtaria që po përcjellim bën thirrje për një mësim të vazhduar.

Prandaj ne nuk do ta mbyllim me Konkursin që sapo përfunduam, por do të promovojmë një program tjetër, sa interesant, aq edhe të dobishëm..

Është fjala për programin veror 2005.

Ky program do të ketë dy faza:

Faza e pare, 16 qershor – 15 korrik, do të ketë kurse në 2 kurse:

-          Kompjuter – programi kompleks,

-          Internet një program intensive, por i plotë.

Faza e dytë: 16 gusht – 15 shtator, do të ketë kurse në 2 lëndë gjithashtu:

-          Internet (i njejti program intensive)

-          Daktilografimi në kompjuter

Në Kompjuter – programi kompleks, do të jepen bazat e punës në kompjuter në programet më kryesore (Windows XP, Word 2003, Excel 2003). Kurset do të jenë intensive, çdo ditë (nga e hëna në të premte) dy orë mësimore, do të ketë një gërshetim të mirë të anës teorike me punën praktike, duke i dhënë prioritet anës praktike, Për të gjithë ata që duan të arrijnë shpejt të përdorin kompjuterin në funksionet e tij më kryesore, është një rast i mirë që ta arrijnë këtë me një trajnim intensiv. Pagesa është tepër e reduktuar, 2000 lekë për  22 seanca, çka është shumë më e ulët se pagesa e kurseve të zakonëshme.

Në kursin Internet - Intensiv krijohen të gjitha mundësitë e trajnimit për përdorimin e frutshëm të internetit në të gjitha funksione kryesore të tij, duke punuar gjatë gjithë kohës OnLine

Ndërsa në kursin Daktilografimi në kompjuter, të gjithë ata që duan ta përvetësojnë dhe të bëhen të suksesshëm në përdorimin e këtij funksioni të rëndësishëm për formimin bazë dhe të domosdoshëm të kompjuterit, do të kenë mundësi të punojnë me programin Typing Master Pro, një program i kohës, i cili është interaktiv, me monitorim automatik, që të orienton domosdoshmërisht drejt suksesit, mjafton që të tregohet vullnet dhe punë e vazhdueshme.

IV. Prezantimi i faqes së internetit të MADC.

Për ne është një mundësi më shumë për ta bërë të njohur veprimtarinë tonë dhe mundësitë që ne ofrojmë. Pra është një mundësi më shumë për të komunikuar me publikun. Ne i ftojmë të gjithë ata që kanë mundësi të përdorin internetin ta vizitojnë faqen tonë.

V. Njohja me ambjentet, programet dhe mjetet mësimore të MADC.,

     për të gjithë ata që janë të interesuar.

Pra JMJ gjen vendin e saj në mënyrë të natyrëshme në programet tona. Ne do të shtojmë përpjekjet që ta pasurojmë këtë program, që JMJ të ndjehet më shumë, që ajo të ndjehet e kuptohet më shumë, që ajo të nxisë në të mësuarit e vazhduar një masë sa më të madhe njerëzish.

Ju falenderojmë për pjesëmarrjen.